Ýaponiýanyň Lexus awtoulag öndürijisi RC we RC F sport kupelerini çykarmagy bes etjekdigini habar berdi. On ýyllyk satuwdan soň şeýle karara gelindi. Bu döwürde modelleriň dünýäniň 62 ýurdunda 90 müňden gowrak nusgasy satyldy diýip, Tarantas.news ýazýar.
Hoşlaşyk mynasybetli Lexus ýörite Final Edition wersiýalaryny çykarýar. Olardan iň güýçlüsi RC F Final Edition-niň bahasy ABŞ-nyň bazarynda 94 müň dollar bolar. Bu model 472 at güýjüni öndürýän 5.0 litrlik V8 hereketlendirijisi bilen enjamlaşdyrylandyr. Şeýle hem adaptasiýa podweskasy, süýlüp ýasalan tigirleri we yzky böleginde dört porşenli supportaly we öň tarapynda alty porşenli supportaly güýçli Brembo tormozy bar.
RC F-iň soňky neşiriniň kuzowy dört reňkde bolar. Salony gara we gyzyl deri bilen bezelip, premium Mark Lewinson ses ulgamy we 10 dýuýmlyk duýgur ekrany bolar.
Awtoulaglaryň önümçiligi şu ýylyň noýabr aýynda tamamlanar.
