Amerikanyň Florida ştatynyň Uest-Palm-Biç şäherinde ýüzlerçe adam täze dünýä rekordyny goýmak üçin dinozawrlaryň eşigini geýdi. Olaryň tagallalary üstünlik bilen tamamlandy we indi bu üstünlik Ginnesiň rekordlar kitabyna ýazyldy diýip, ýerli telekanal WPTV habar berýär.
Bolup geçýän waka Ginnesiň rekordlar kitabynyň resmi emini Tomas Bredford gözegçilik etdi.
“Göräýmäge, bu ýönekeý rekord, ýöne käwagt ýönekeý rekordlary täzelemek has kyn” – diýip, ol belledi.
Rekordyň düzgünlerine görä, gatnaşyjylaryň ählisi aždarha ýaly haýsydyr bir başga jandaryň däl-de, hut dinozawryň eşiklerinde bolmalydy. Mundan başga-da, sanap bolar ýaly olar öz obrazlarynda uzak wagtlap galmalydy.
Bu gezek ähli talaplar berjaý edildi. Ginnesiň rekordlar kitabynyň wekilleri dinozawrlaryň eşiklerinde 468 adamy hasaba aldy.
Aksiýanyň guramaçysy bolup Uest-Palm-Biçiň ylmy muzeýi çykyş etdi. Ol öz sosial ulgamlarynda rekordy goýmaga kömek edenleriň ählisine minnetdarlyk bildirdi: “Biz muny başardyk! Muny mümkin etmäge kömek edenleriň ählisine minnetdar. Aýratynam, Uest-Palm-Biç şäherine we biziň bilen taryhy ýazmaga gelen her biriňize! Biz muny siz bolmazdan başarmazdyk”.
Dinozawrlary
eşigindäki adamlaryň sany boýunça öňki rekord 2019-njy ýylda Los-Anjelesde goýlupdy, şonda aksiýany 252 adam goldady.
