Nintendo täze Switch 2 konsolyny resmi taýdan anons etdi. Gurluşyň dizaýnyny görkezýän wideotizer kompaniýanyň resmi YouTube kanalynda ýerleşdirildi.
Konsol belli dizaýny saklap galdy, ýöne öňki modelden has uly boldy. Aýrylyp bilinýän Joy-Con kontrollerleri indi magnit arkaly berkidilýär. Switch 2 birinji nesil Switch üçin çykarylan oýunlaryň köpüsini goldar.
Gurluşyň aýratynlyklary we täze model üçin oýun hatary barada jime-jik maglumatlar tanyşdyrylyş dabarasynda belli bolar. Bu çäre 2-nji aprelde geçiriler.
Konsolyň satuwa çykjak takyk senesi hem yglan edilmedi, ýöne insaýderler reliziň 2025-nji ýylyň aprel ýa-da maý aýynda bolup biljekdigini habar berýär.
Ilkinji Nintendo Switch 2017-nji ýylda peýda boldy we stasionar (telewizora ýa-da monitora birikdirilýän) hem ykjam ulgamyň funksiýalaryny birleşdirýän dünýäde ilkinji konsol boldy. Switch 2 hem kämilleşdirilen funksiýalar bilen bu däbi dowam etdirse gerek.
