“Pari Sen-Žermen” futbol kluby Nike kompaniýasyna degişli bolan Jordan amerikan brendinden täze eşik toplumyny görkezdi. Bu klubuň 2024/2025 möwsümi üçin dördünji eşik toplumydyr.
Bu gezek dizaýnerler Jordan brendiniň nyşany bolan uçuş we ganat temasyna ünsi jemlediler.
“Bu köýnekçede görnüklilik we tehniki aýratynlyklar utgaşýar. Ol Jordan Wings logotipini gaýtalaýan ganat görnüşli nagyşlar bilen bezelip, “PSŽ” bilen Jordan Brand-iň birleşmegini alamatlandyrýar” – diýlip, klubuň resmi saýtyndaky beýanda aýdylýar.
Toplum türgenleşik maýkalaryny, sport kostýumlaryny, uzyn we gysga ýeňli köýnekçeleri öz içine alýar.
Belläp geçsek, 17 oýundan soň “PSŽ” Fransiýanyň çempionatynyň ýaryş jedwelinde birinji orny eýeleýär. Onuň hasabynda 43 utuk bar.
