Gruziýanyň futbolçysy Hwiça Kwarasheliýa Italiýanyň “Napoli” klubundan çykyp, Fransiýanyň “PSŽ-syna" geçýär. Onuň transfer bahasy 70 million ýewro geçirildi.
Kwarasheliýa gitmezden ozal, neapol klubunyň muşdaklary üçin sosial ulgamda “Napoli” stadionyna we Diego Maradonanyň ýadygärligine baryp görende düşürilen wideoroligini ýerleşdirdi.
“Bu meniň üçin kyn, ýöne hoşlaşmagyň wagty geldi. Siziň her biriňiziň arkaňyzdan men bu ýerde özümi gaty gowy duýdum. Hwiça wideoýazgyda: " “Napolä”, şähere, janköýerlerime we Diegonyň [Maradona] ýagty ýadygärligine sagbolsun aýdýaryn" -diýdi.
23 ýaşly wingeriň “PSŽ” bilen şertnamasy 2029-njy ýyla çenli dowam eder. Täze klubunda ol klubyň iň köp gol geçiren oýunçysy Mbappe Madridiň “Realyna" gideninden soň, boş galan 7-lik belgisini alar.
Kwarasheliýa “Napoli” toparynda 2022-nji ýylyň tomsundan bäri oýnady. Bu döwürde ol Italiýanyň çempiony boldy we A Seriýada möwsümiň iň gowy oýunçysy diýlip ykrar edildi. Umuman alanyňda, Italiýanyň kluby üçin 107 oýun oýnady, şolarda 30 gol geçirip, 29 gezek netijeli pas berdi.
