Ýapon kompaniýasy Casio "G-Shock" sagadynyň iki täze modelini çykardy: GD-010CE-5JF we GA-010CE-2AJF. Bu sagatlar gaýtadan işlenip taýýarlanan materiallardan we iýmit galyndylaryndan alnan boýaglardan öndürildi.
Sagatlaryň esasy polimer bölekleri biomassadan we gaýtadan işlenen plastikadan, reňklenen guşaklary bolsa korduradan (gaýtadan işlenen neýlondan) we PET süýüminden taýýarlanyldy.
Sagatlary reňklemek üçin Food Textile tehnologiýasyndan peýdalanyldy: GA-010CE modeli gyzyl şugundyrdan alnan boýag bilen, GD-010CE modeli bolsa ehinaseýadan alnan boýag bilen reňklendi.
Bu sagatlar energiýa tygşytlaýjy tehnologiýalaryň kömegi bilen zarýada goýulmazdan 10 ýyla çenli işleýär. Berk uglerodly ýadrosy, sagatlaryň ýeňil we çydamly bolmagyny üpjün edýär. Sagatlar, 200 metr çuňluga çenli suw geçirmeýär. Şeýle hem, garaňkyda ýeňil ulanylar ýaly yşyklandyryş bilen üpjün edilendir.
Sagatlar ýanwarda satuwa çykarylar. GD-010CE modeliniň bahasy 17050 ýena (takmynan 109 dollar), GA-010CE modeliniň bahasy bolsa 20350 ýena (takmynan 129 dollar) bolar.
