ABŞ-da T-Mobile ulgamyndaky Samsung Galaxy S24 smartfonlaryny ulanyjylar hemra aragatnaşygyny goldaýan täzelenmäni alyp başlady. Täze tehnologiýa öýjükli aragatnaşygyň ýok ýerinde habarnamalary ibermäge we kabul etmäge mümkinçilik berýär diýip, Telecoms Tech News habar berýär.
Funksiýa häzirlikçe beta-synag režiminde we diňe programma üpjünçiliginiň deslapky ulanylyşyna gatnaşyjylar üçin elýeterlidir. Bellemeli ýeri, T-Mobile operatory täze mümkinçilik barada abonentlerine habar bermedi – gurluşlar awtomatik taýdan zerur täzelenmäni aldy.
Täze funksiýa SpaceX Starlink ulgamy arkaly amala aşyrylýar. Ýöne ol diňe One UI 6.1 we One UI 6.1.1 interfeýsleri bolan smartfonlarda işleýär. One UI 7.0 beta-wersiýasyny gurnan ulanyjylar täze funksiýadan peýdalanyp bilmez.
Hemra aragatnaşygy ýerüsti aragatnaşygyň bolmadyk ýerlerinde habarnama ibermäge we kabul etmäge mümkinçilik bermek bilen, tebigy betbagtçylyklarda ýa-da uzak sebitlere gezelençlerde möhüm aragatnaşygy üpjün edýär.
