Amerikaly agyr agramda söweşiji, WBC boýunça öňki dünýä çempiony Deonteý Uaýlder indiki söweşini geçirmek üçin şertnama baglaşdy. BoxingScene-niň maglumatlaryna görä, söweş 26-njy aprelde Atlantada (ABŞ) geçiriler. Onuň garşydaşy amerikaly Kýortis Harper bolar.
Soňky gezek Uaýlder 2024-nji ýylyň iýun aýynda ringe çykdy we hytaýly Çžan Çžileýden tehniki nokaut bilen ýeňildi. Bu ýeňliş onuň üçin soňky bäş söweşinde dördünji boldy.
Uaýlder karýerasynyň dowamynda 48 söweşe gatnaşyp, 44 ýeňiş (43-üsi nokaut bilen) gazandy, dört gezek ýeňildi we bir söweş deňme-deň tamamlandy. 2015 – 2020-nji ýyllar aralygynda WBC-niň çempion titulyna eýeçilik etdi.
