Şazada Uilýam Britaniýanyň şa maşgalasynyň iň baý agzasy boldy. Times neşiriniň maglumatlaryna görä, patyşa Karlyň uly oglunyň baýlygy, takmynan, 1,05 mlrd funt sterlinge barabar.
Şazadanyň esasy girdeji çeşmesi 1,3 mlrd funt bilen bahalandyrylýan Kornuoll gersoglygydyr. Bu emläk oňa her ýyl 24 mln funt sterling möçberinde girdeji getirýär we ony şazada salgyt tölemezden ulanyp bilýär.
Mundan başga-da, Uilýam ejesi, şa gyzy Dianadan, takmynan, 10 mln funt we garry enesi, şa aýaly-eneden 7 mln funt miras aldy.
Patyşa Karlyň baýlygy 900 mln funt sterlinge barabar. Ol 2023/2024-nji ýylda ýyllyk girdejisi 27 mln funt bolan Lankaster gersoglygyny dolandyrýar.
Şa maşgalasynyň beýleki agzalary Uilýamdan baýlygy boýunça esli yza galýar. Patyşa Karlyň kiçi uýasy – şa gyzy Annanyň aktiwleri 50 mln funta barabar. Şazada Garri bilen Megan Marklyň bilelikdäki baýlygy Netflix, Spotify we kitap neşirýatlary bilen uly şertnamalara garamazdan, takmynan, 20 mln funta ýetýär.
