Hytaý 2024-nji ýylda beýleki ýurtlara 400 müň ulanylan awtoulag eksport etdi. Bu san häzirki wagta çenli ýetilen iň ýokary görkeziji boldy. Nikkei ýapon neşiriniň umumylaşdyrylan maglumatlaryna görä, bu görkeziji geçen ýyl bilen deňeşdirilende 45% ýokarydyr.
Hytaýyň ulanylan awtoulaglarynyň esasy alyjylary Merkezi Aziýa ýurtlary we Russiýa Federasiýasy boldy. Eksportyň 50%-i Gyrgyzystan, Russiýa Federasiýasyna we Özbegistana edildi.
Bilermenleriň bellemegine görä, ulanylan awtoulaglaryň eksportynyň artmagy, Hytaýdan gelen täze awtoulaglaryň meşhurlygynyň ýokarlanmagy bilen baglanyşyklydyr. 2023-nji ýylda Hytaý täze awtoulaglaryň eksporty boýunça dünýäde lider bolup, Ýaponiýadan öňe geçipdi. Şol ýyl Hytaý daşary ýurt döwletlerine 4,91 million awtoulag eksport edip — bu görkeziji, ondan öňki ýyl bilen deňeşdirilende 57,9% ýokarlanypdy.
Täze awtoulaglaryň eksportynyň üstünlikli bolmagy, ulanylan awtoulaglara bolan islegiň hem ýokarlanmagyna itergi berýär diýip, Nikkei neşiri belläp geçýär.
