2024-nji ýylda Stambul iň köp hereketli şäherleriň reýtinginde Nýu-Ýorkdan (102 sagat) we Çikagodan (102 sagat) öňe geçip, birinji orny eýeledi. INRIX analitiki merkeziniň maglumatlaryna görä, türk şäherinde sürüjiler ýylda 105 sagady dyknyşykda geçirdi, bu bolsa bir ýyl ozalkydan 15% köpdür.
Antireýtingiň ilkinji bäşligine London (101 sagat) we Mehiko (97 sagat) hem girdi. Global reýtinge garamazdan, London yzygider ikinji ýyl Ýewropanyň aşa hereketli şäheri adyny saklaýar. Sanaw 950 şäheri öz içine alýar we hünärmenler diňe bir wagt ýitgisini däl, eýsem maliýe ýitgisini hem hasaplady.
Mysal üçin, ABŞ-da adaty sürüji dyknyşykda ortaça 43 sagat ýitirdi, bu bolsa doly bir iş hepdesine deňdir. Netijede, dyknyşyklar ýurtda umumy 74 mlrd dollar ýitgä sebäp boldy. Beýik Britaniýada we Germaniýada hem ýagdaý birmeňzeşräk, ýöne ýitgiler, degişlilikde, 7,8 mlrd funt we 3,6 mlrd ýewro boldy.
Şeýle meseleleri çözmek üçin Stambulyň häkimiýeti köp hereketli sebitlerde ýol tölegini girizmegi göz öňünde tutýar. Synag taslamasy Eminonýuda durmuşa geçiriler, geljekde bolsa ony beýleki sebitlere-de ýaýratmak meýilleşdirilýär. Şeýle-de, şäher howanyň hapalanmagyny azaltmak üçin zyňyndylaryň pes zolagyny girizer. Bu ulgam zyňyndy derejesi ýokary bolan ulaglardan goşmaça töleg almagy göz öňünde tutýar.
Öň, Nýu-Ýorkda Manhetteniň iň köp hereketli ýerleri üçin ýol tölegi girizildi. Empaýr-steý-bilding, Taýms-skwer we Uoll-strit ýaly şäheriň iň belli ýerlerine girýän sürüjiler indi hereketiň iň ýokary derejesinde 9 dollar, galan wagty 2,25 dollar tölär.
