Ženewada Ýewropanyň “Car of The Year” baýragynyň ýeňijilerini sylaglamak dabarasy geçirildi. Şu ýyl ýylyň awtomobilini saýlamaga dünýäniň 23 ýurdundan 60 sany emin agzasy gatnaşdy. Netijede, ýylyň iň gowy awtomobili Renault 5 hetçbegi boldy.
Model 353 bal alyp, Kia EV3 krossowerinden (291 bal) we Citroën C3-ëC3 elektromobilinden (215 bal) öňe geçdi. Bu awtomobiller, degişlilikde, ikinji we üçünji orunlary eýeledi.
Dördünji orunda 172 bal bilen Hyundai Inster ýerleşdi. Ilkinji bäşligi 168 bal gazanan täze Dacia Duster jemledi. Cupra Terramar we Alfa Romeo Junior bolsa, degişlilikde, 165 we 136 bal alyp, altynjy we ýedinji orunlary eýelediler.
Renault markasy üçin bu yzygider ikinji ýeňiş boldy. Ýatlap geçsek, 2024-nji ýylda ýeňiji Renault Scenic bolupdy. Şeýle üstünlik bäsleşigiň taryhynda ikinji gezek duşýar: öň Fiat awtomobilleri 1995-nji we 1996-njy ýyllarda yzygider iki ýyl ýeňiji boldular.
Belläp geçsek, bäsleşige hasabat ýyly satuwa çykan we azyndan bäş ýurtda elýeterli bolan täze awtomobiller gatnaşýar.
