Ispaniýanyň futbol boýunça Superkubogy ugrundaky final duşuşygynda "Barselona" "Realy" 5:2 hasabynda ýeňlişe sezewar etdi. Duşuşyk Saud Arabystanynda geçirildi.
Katalon klubunyň düzüminde gollary Lamin Ýamal (22-nji minut), Robert Lewandowski (36, pen.), Rafinýa (39, 48) we Alehandro Balde (45+10) geçirdi. "Realdan" Kilian Mbappe (5) we Rodrigo (60) tapawutlandy. 57-nji minutda "Barselonanyň" derwezebany Woýseh Şensnyý gyzyl duýduryş alyp, meýdandan çykaryldy.
Şu möwsümde klublar eýýäm ikinji gezek duşuşdy. Birinji oýunda La Liganyň 11-nji tapgyr duşuşygynda "Barselona" myhmançylykda "Realy" 4:0 hasabynda ýeňipdi.
"Barselona" Ispaniýanyň Superkubogyny 15-nji gezek aldy. Ol bu görkeziji babatda rekord eýesidir. "Real" bu baýragy 13 gezek aldy. Soňky gezek "Real" 2024-nji ýylda finalda "Barselonany" 4:1 utup, kubogy alypdy.
