Ilon Mask adamzadyň emeli aňa öwredip biljek ähli bilimlerini öwredip gutarandygyny aýtdy. Bu barada TechCrunch ýazýar.
“Biz AI-e adamyň toplan bilimlerini tutuşlygyna diýen ýaly öwredip gutardyk. "Bu aslynda geçen ýyl bolup geçdi" – diýip, ol Stagwell-iň başlygy Mark Pen bilen X platformasynda geçen göni ýaýlymdaky söhbetdeşliginde habar berdi.
Milliarder OpenAI-yň öňki baş ylmy işgäri Ilýa Suskeweriň NeurIPS konferensiýasynda “maglumatlaryň aňyrsyna çykylandygyny” we modeliň ösüşine täzeçe çemeleşmeleriň zerurdygyny belläp aýdan sözlerini tassyklady.
Mask tehnologiýalary mundan beýläk ösdürmekde sintetiki maglumatlary, ýagny AI modelleriniň özleri tarapyndan döredilen maglumatlary ulanmagy teklip etdi.
“Hakyky maglumatlaryň üstüni ýetirmegiň ýeke-täk usuly sintetiki maglumatlardyr, munda AI-niň özi öwrediji materiallary döredýär. Sintetiki maglumatlar bilen AI-niň özi özüni bahalandyrar we öz-özüne öwreder " – diýip, ol belledi.
Sintetiki maglumatlar eýýäm Microsoft, Meta, OpenAI we Anthropic ýaly iri kompaniýalar tarapyndan ulanylýar. Gartner-iň berýän maglumatlaryna görä , 2024-nji ýylda AI we seljeriş boýunça taslamalar üçin ulanylan maglumatlaryň 60% -i sintetiki döredilendir.
Sintetiki maglumatlar boýunça öwretmegiň birnäçe artykmaçlygy bar, öňi bilen - arzan düşýär. Şeýle-de bolsa, barlaglar AI-niň döredijiligi ýitip, esassyzlygy ýokarlanmak bilen, “modeliň çökmek” töwekgelçiliginiň bardygyny görkezýär. Bu döredilen maglumatlaryň hili we dürlüligi babatda pudak üçin kynçylyklary döredýär.
