Goodyear kompaniýasy Las-Wegasda Consumer Electronics Show (CES) sergisinde SightLine tehnologiýaly “akylly” tekerlerini görkezdi. Ol ýoluň typançaklygyny tanamak we dessin tormoz ulgamynyň işleýşini gowulandyrmak arkaly çylşyrymly howa şertlerinde hereketiň howpsuzlygyny ýokarlandyrmaga ukyplydyr diýip, ITHome habar berýär.
Tehnologiýa Niderlandlaryň TNO garaşsyz barlag guramasy bilen bilelikde işlenip düzüldi.
Tekerler ýola sepleşmäniň derejesini kesgitleýän we maglumatlary sürüjä kömek ulgamyna geçirýän içerki datçikler bilen enjamlaşdyrylandyr. Bu awtomatiki dessin tormoz (AEB) ulgamyna ýoluň ýagyşly, garly ýa-da buzly pes sürtülme şertlerinde has ygtybarly tomoz tutmagyny üpjün etmäge mümkinçilik berýär.
"Bu tehnologiýa eýýäm bar we soňky birnäçe ýylda eden beýleki işlerimiziň dowamydyr" – diýip, Goodyear-iň global innowasiýalar boýunça wise-prezidenti Kris Helsel habar berdi.
Kompaniýanyň berýän maglumatlaryna görä, SightLine ulgamy sagatda 80 km-e çenli tizlikde çaknyşmagyň öňüni alyp biler we bu gury asfalt üçin optimallaşdyrylan adaty AEB-den has täsirli bolar.
Goodyear SightLine tekerleri we programma üpjünçiligini awtoulag öndürijilere howpsuzlyk ulgamyna goşumaça hökmünde hödürlemegi meýilleşdirýär.
