Apple kompaniýasy Los-Anjelesdäki tokaý ýangynlaryndan ejir çekenlere maliýe kömegini berjekdigi barada mälim etdi. Şeýle-de, kompaniýa şäheri dikeltmäge kömek eder.
Soňky maglumatlara görä, ýangyn azyndan 11 adamyň pida bolmagyna getirdi we tas 10 müň binany ýok etdi diýip, Reuters agentligi habar berýär.
Ýangynyň iň uly merkezi şäheriň iň gymmat we abraýly sebitleriniň biri bolan Pasifik-Paliseýdsde ýerleşýär. 100 000-den gowrak adam ewakuasiýa iberildi.
Apple-iň baş müdiri Tim Kuk ejir çekenlere gynanç bildirdi.
“Los-Anjelesde ýangyn sebäpli bolup geçen zatlar – bu elhenç betbagtçylyk. Biz adatdan daşary ýangyn söndürijilere, halasgärlere we bu kyn pursatda kömek edýänleriň ählisine minnetdarlyk bildirmek isleýäris. Siziň gahrymançylykly zähmetiňiz uly minnetdarlyga mynasyp” – diýip, Tim Kuk X sosial ulgamynda ýazdy.
Kömek pulunyň takyk mukdary we kabul ediji barada maglumat berilmeýär. Apple mundan öň hem tebigy betbagtçylyklardan soň dikeldiş bilen meşgullanýan guramalary artykmaç gürrüň ýaýratmazdan goldaýardy. Geçen ýylyň oktýabr aýynda Apple harasatyň netijelerini ýok etmekde Amerikan Gyzyl Haç guramasyna kömek berdi.
