iPhone 17-niň kamerasy barada täze maglumatlar peýda boldy

  • 12.01.2025 20:28
  • 10k+
iPhone 17-niň kamerasy barada täze maglumatlar peýda boldy

iPhone 17 Pro we 17 Pro Max modelleri üç sany 48 megapiksellik kameralar bilen üpjün ediler diýip, MacRumors portalynda habar berilýär.

Çeşmäniň berýän maglumatlaryna görä, iPhone 17 Pro modelleri Fusion esasy kamera, ultra-giň burçly modul, tetraprizma tehnologiýaly telefoto sensor bilen enjamlaşdyrylar we ähli sensorlar 48 MP durulykda bolar. Öň tarapdaky selfi kamerasy bolsa 24 MP sensor bilen üpjün ediler. Şeýlelikde, telefoto sensor we selfi kamerasy ep-esli kämilleşdiriler.
Bu maglumat syzmalaryny, Apple analitigi Ming-Çi Kuonyň öňe süren pikirleri hem tassyklaýar. Ol 2024-nji ýylyň iýun aýynda iPhone 17 Pro Max modeliniň has kämilleşdirilen telefoto sensor bilen enjamlaşdyryljakdygyny aýdypdy. Täze syzmalar bu kämilleşdirmeleriň iPhone 17 Pro modeline-de degişli boljakdygyny görkezýär.
Öň hem iPhone 17 Pro modelleriniň daşky keşbiniň bolup biläýjek render şekilleri barada habar beripdik. iPhone 17 seriýasyna degişli smartfonlaryň 2025-nji ýylyň sentýabr aýynda tanyşdyrylmagyna garaşylýar. Bu seriýa dört sany enjam girer. Şeýle-de, iPhone Plus modeliniň ýerine diňe 5,5 mm galyňlygy bolan täze iPhone 17 Air modeli tanyşdyrylar.

Apple TV+ “Dynç” romantiki komediýasynyň esasynda mini-serial çykarar
düýn 16:22
818

Apple TV+ “Dynç” romantiki komediýasynyň esasynda mini-serial çykarar

Apple TV+ “Dynç” (Отпуск по обмену / The Holiday) romantiki komediýasynyň äheňinde mini-serial çykarar diýip, Variety habar berýär. Hakyky film ýaly, serial iki aýal – Roždestwo wagty öýlerini çalşyp, garaşylmadyk ýagdaýda öz söýgüsini tapýan britaniýaly we amerikaly aýal barada gürrüň berer...

Apple iOS 26-dan öň soňky uly täzelenmäni – iOS 18.6-ny çykardy
02.08.2025 15:33
1.2k+

Apple iOS 26-dan öň soňky uly täzelenmäni – iOS 18.6-ny çykardy

Apple iPhone üçin iOS 18.6-ny hödürledi. Täzelenme möhüm düzedişleri we howpsuzlyk kämilleşdirmelerini öz içine alýar. Bu 2025-nji ýylyň sentýabrynda iOS 26 çykmazdan ozal, ulgamyň soňky uly täzelenmesi bolsa gerek diýip, 9to5mac ýazýar...

SMM-çiniň ýalňyşlygymy? Apple ýalňyşlyk bilen bäsdeşiniň smartfonyny mahabatlandyrdy
02.08.2025 15:30
3.1k+

SMM-çiniň ýalňyşlygymy? Apple ýalňyşlyk bilen bäsdeşiniň smartfonyny mahabatlandyrdy

Apple-iň Hytaýyň Weibo sosial ulgamyndaky resmi akkaunty ýalňyşlyk bilen täze Samsung Galaxy Z Flip7 eplenýän smartfonynyň mahabat wideosyny hödürledi. Wideo tiz wagtdan aýryldy, ýöne ulanyjylar ýalňyşlyga üns berip ýetişdi we indi ol gülküli ýagdaýlaryň birine öwrüldi diýip, MacRumors ýazýar...

Millionlarça dollara durýan aýfonlar: Sotheby's taryhda iň gymmat smartfonlar barada gürrüň berdi
02.08.2025 07:26
6.4k+

Millionlarça dollara durýan aýfonlar: Sotheby's taryhda iň gymmat smartfonlar barada gürrüň berdi

“Sotheby's” auksion öýi bahasy millionlarça dollar durýan dünýäniň iň gymmat smartfonlarynyň sanawyny neşir etdi. Gürrüň gymmat bahaly daşlar bilen bezelip, elde ýasalan modeller hakda barýar. Bu enjamlar diňe bir aragatnaşyk serişdesi däl-de, eýsem kolleksionirlemegiň we maýa goýmagyň serişdesi hem hasaplanýar diýip, Sotheby’s International Realty portaly ýazýar...