2025-nji ýylyň ýanwar we fewral aýlarynda Ýeriň ýaşaýjylary seýrek kosmiki hadysanyň şaýady bolarlar. Olar şonda Gün ulgamynyň planetalarynyň bir hatara düzülişini synlap bilerler. 21-nji ýanwarda gijeki asmanda bir wagtyň özünde alty sany planeta peýda bolar we 28-nji fewralda olara ýedinji planeta hem goşular diýip, Science Alert habar berýär.
Şeýle deňleşmeler planetalaryň hemmesi Günüň bir tarapynda bolanda ýüze çykýar.
21-nji ýanwarda bir wagtyň özünde Marsy, Ýupiteri, Urany, Neptuny, Wenerany we Saturny görmek bolar. Bir wagtyň özünde asmanda birnäçe planetanyň peýda bolmagy seýrek hadysa däl, ýöne planetalaryň köpüsiniň ýa-da hemmesiniň bir setire düzülen ýagdaýlary seýrek bolýar. Üç planetadan sekiz planeta çenli aralykdaky planetalaryň islendik sany deňleşmäni emele getirýär.
2025-nji ýylyň 28-nji fewralynda astronomlara hasam täsin tomaşa garaşýar. Şol gün öň görünýän planetalara Merkuriý hem goşular.
