Boeing Saturnyň hemrasy Titana äpet howa gämisini ibermegi meýilleşdirýär

  • 12.01.2025 10:57
  • 4.7k+

Boeing kompaniýasy Saturnyň iň uly hemrasy bolan Titany has içgin öwrenmek üçin äpet howa gämisini ibermek baradaky uly taslamasyny köpçülige mälim etdi. Bu barada UniverseToday neşiri habar berýär.

Bu howa gämisi Titanyň ýerli atmosferasyny peýdalanyp, özüniň beýiklik derejesini sazlamagy başarar. Howa gämisine Titanyň ýerleriniň üstki gatlagyny we geologiki işjeňligini öwrenmek üçin niýetlenen radar we lidar ulgamlary ýerleşdiriler. Bu taslama soňky 20 ýylyň dowamynda ara alnyp maslahatlaşyldy we şeýle äpet enjamlary daşamaga ukyply Space Launch System (SLS) atly täze raketanyň binýadynda durmuşa geçiriler.
Howa gämisi geliý gazy bilen doldurylar we durnuklylyk üçin ballast gaplary bolar. Enjamyň 150 m³-den 400 m³-e çenli görnüşleri bolup, bu onuň ýerden 5km-20 km-e çenli aralykdaky beýikliklerde iş alyp barmagyna mümkinçilik berýär.
Taslamanyň umumy bahasy 2,5 milliard dollara barabar bolar. Wezipesini birnäçe ýylyň dowamynda ýerine ýetirip, Titanda pasyllaryň üýtgemegini gözegçilige almaga mümkinçilik döreder. Ýöne raketanyň öndürilmegi bilen baglanyşykly kynçylyklar, taslamanyň 2034-2036-njy ýyllar aralygynda meýilleşdirilen uçuş möhletleriniň bökdelmegine sebäp bolup biler. Şeýle-de, taslamanyň çykdajylarynyň ýokarylygy, ony Starship raketalary bilen bäsleşikde kyn ýagdaýa düşürýär. Sebäbi Starship raketalarynyň agram göterijiligi has ýokarydyr.
Şeýle-de NASA-nyň Dragonfly atly taslamasynyň çäginde Titana dikuçar ibermek meýilleşdirilýär. Bu taslama 2028-nji ýylda Falcon Heavy raketasy bilen uçurylar. Falcon Heavy raketasynyň agram göterijiligi SLS-e garanyňda pesräk bolsa-da, ol howa gämisiniň kiçi görnüşini daşamaga mümkinçilik berer.


28.08.2025 23:44
1.9k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 12:21
4.8k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

28.08.2025 07:19
5.5k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...

27.08.2025 11:42
2.4k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...