NASA-nyň Landsat 8 we 9 hemrasynyň düşüren suratlary Hazar deňzinde syrly Çigil-deňiz adasynyň emele gelşini we soň ýitip gidişini görkezdi. Bu barada NASA Earth Observatory habar berýär.
Bu ada Azerbaýjanyň gündogar kenaryndan, takmynan, 25 kilometr uzaklykda ýerleşýän Kumani läbik wulkanynyň 2023-nji ýylyň başlarynda atylmagy, şeýlelikde köp mukdarda ergin dag jynsynyň we gazyň zyňylmagy netijesinde emele gelipdir. Emma ada 2024-nji ýylyň dekabr aýynda deňiz tolkunlarynyň täsiri netijesinde tas doly diýen ýaly ýitip gidipdir.
Bu Kumani wulkanynyň şeýle “gezip ýören” adalary döredişiniň ilkinji mysaly däl. Wulkan 1861-nji ýyldan bäri yzygiderli şeýle adalary döredip gelýär, emma olar hemişe-de wagtlaýyn bolýar. Şeýle iň uly adalaryň biri 1950-nji ýylda ýüze çykyp, onuň ini 700 metre we beýikligi 6 metre barabar bolupdy.
Köplenç şeýle adalar tebigy şertleriň täsiri sebäpli birnäçe ýyldan köp saklanyp bilmeýär we ýitip gidýärler.
