Realme kompaniýasy täze 14 Pro+ smartfonyny hödürledi. Ol diňe bir kuwwatly tehniki häsiýetleri bilen däl, eýsem daşky gurşawyň temperaturasyna baglylykda korpusyň reňkini üýtgetmek ukyby bilen tapawutlanýar.
16 gradusdan pes temperaturada onuň dür ýaly ak reňkli yzky paneli doýgun gök reňki alýar.
Esasy aýratynlyklary:
- Displeý: diagonaly 6,83 dýuým we durulygy 1,5K bolan OLED ekrany. Ýagtylygy 1500 nite ýetýär, ekranyň çarçuwasy bary-ýogy 1,6 mm.
- Prosessor: Qualcomm Snapdragon 7s Gen 3, Realme UI 6.0 interfeýsi bilen Android 15 operasion ulgamy.
- Kameralar: Yzky panelde üç kamera bar: Sony IMX896 sensory bilen 50 Mp esasy kamera, Sony IMX882 sensorly we 3 esse ulaltma bilen periskopik teleobýektiwli 50 Mp kamera, şeýle-de 8 Mp ultra-giňburçly kamera. Selfi kamerasy – 32 Mp.
- Akkumulýator: 80 Wt çalt zarýad berşi goldaýan 6000 mA/sag sygymly batareýa 24 minutda 50% zarýad alýar. Smartfon goşmaça zarýad bermezden 16,6 sagada çenli wideo görmäge mümkinçilik berýär. Sygymly akkumulýatora garamazdan, smartfonyň ýogynlygy 7,99 mm-den geçmeýär.
- Gorag: IP68/IP69. Duzsuz suwa tötänleýin gaçanda we hatda gyzgyn suwuň aşagyna düşende-de zaýalanmaz.
Smartfon çal we ak reňklerde elýeterli.
Bahalar:
- ·12 GB / 256 GB – 2599 ýuan (takmynan, $350)
- ·12 GB / 512 GB – 2599 ýuan (takmynan, $380).
