Angliýanyň “Mançester Siti” futbol kluby Özbegistanyň milli ýygyndysynyň 20 ýaşly goragçysy Abdukodir Husanowy satyn almaga taýýarlanýar. Klub derejesinde Husanow Fransiýanyň “Lansynda” çykyş edýär. Žurnalist Fabrisio Romano X sosial ulgamynda “ManSitiniň” baş tälimçisi Hosep Gwardiolanyň transferi tassyklandygyny habar berýär.
KHBS-iň maglumatlaryna görä, iňlis kluby özbek futbolçysy üçin bonuslar bilen birlikde 50 mln ýewro tölemäge taýýar. Husanow uzak möhletleýin şertnama hödürlejek APL klubuna geçmäge “sabyrsyzlyk bilen” garaşýar.
Husanow “Lans” üçin 2023-nji ýyldan bäri çykyş edýär. Onuň häzirki şertnamasy 2027-nji ýyla çenli hereket edýär. Häzirki möwsümde Husanow “Lans” üçin ähli ýaryşlarda 16 oýna gatnaşyp, bir netijeli geçirim bilen tapawutlandy.
Romanonyň maglumatlaryna görä, “Siti” Braziliýanyň “Palmeýras” kluby bilen hem 18 ýaşly Witor Reýsiň geçmegi barada gepleşik geçirýär.
Bellenilişi ýaly, goragçy bilen uzak möhletleýin şertnama barada eýýäm ylalaşyk gazanyldy. Häzir klublar bonus mukdaryny ylalaşýar. Şertnamanyň umumy bahasy, takmynan, 40 mln ýewro bolar.
Reýs “Palmeýras” akademiýasynyň ýetişdiren oýunçysydyr. Ol esasy toparyň düzüminde 22 oýna gatnaşyp, iki gol geçirdi. Transfermarkt internet portaly futbolçynyň bazar bahasyny 14 mln ýewro diýip hasaplaýar.
