Öňümizdäki dynç günleri Ispaniýanyň Superkubogynyň final oýny bilen tamamlanar. Kubok üçin Madridiň “Realy” we “Barselona” göreşer.
Oýun 13-nji ýanwara geçilýän gije sagat 00:00-da başlar we “Матч ТВ” telekanalynda göni ýaýlymda görkeziler.
Superkubok üçin ýaryşyň birinji ýarym final duşuşygynda “Barselona” Bilbaodan “Atletik” klubuny 2:0 hasabynda utdy. Gol bilen gök-gyzyllaryň ýarymgoragçysy Gawi we gyraky hüjümçisi Lamin Ýamal tapawutlandy.
Ikinji ýarym final oýnunda Madridiň “Realy” “Malýorkany” 3:0 hasabynda utdy. Gollary öz hasabyna ýarymgoragçy Jud Bellingem, winger Rodrigo Goes ýazdy, bir gol hem “Malýorkanyň” goragçysy Martin Walýentanyň awtogoly bilen gazanyldy.
“Real” Ispaniýanyň Superkubogynyň häzirki eýesidir. Geçen ýaryşyň finalynda "Real" katalon klubuny 4:1 hasabynda utdy. Ýöne “Barselona” tituly rekord 14 gezek gazandy, “Realyň” hasabynda 13 ýeňiş bar.
