Portugaliýanyň milli futbol topary X sosial ulgamdaky sahypasynda täze eşik toplumyny görkezdi. Ol toparyň täze tehniki hemaýatkäri – Germaniýanyň Puma brendi tarapyndan çykaryldy.
Tanyşdyrylyşa milli ýygyndynyň beýleki oýunçylary bilen bir hatarda toparyň kapitany Kriştianu Ronaldu hem gatnaşdy.
Esasy eşik toplumy mele hem ýaşyl zolaklaryň goşulmagynda ak manžetli we ýakaly gyzyl reňkde taýýarlandy. Köýnekçäni Portugaliýanyň tugrasyndaky atanakdan ylham alan sada nagyş örtýär. Gyzyl futbolkalar ýaşyl şortylar bilen hödürlenýär. Ikinji toplum gara ýakaly we manžetli ak reňkdedir. Forma abstrakt gyzyl-ýaşyl nagyş bilen örtüldi.
Belläp geçsek, öň 27 ýyldan gowrak wagtlap milli ýygyndy üçin eşik toplumyny Nike kompaniýasy çykardy.
Portugaliýanyň milli ýygyndysy 2024-nji ýyly FIFA-nyň reýtinginde altynjy orunda tamamlady. Topar UEFA-nyň Milletler ligasynyň dörtden bir finalyna çykdy we bu ýerde Daniýa bilen duşuşar. Milletler ligasynyň pleý-off oýunlary 2025-nji ýylyň 20-nji we 23-nji martynda geçiriler. Ýaryşyň ýarym finallary 4-nji we 5-nji iýuna meýilleşdirilýär, üçünji ýer üçin oýun we final 8-nji iýunda geçiriler.
