Madridiň “Realynda” klubuň prezidentini saýlamak işleri başlandy. Klubuň resmi saýtynda täze prezidentiň ýanwar aýynyň ahyryna çenli bellenjekdigi habar berilýär.
“Prezident şu gün geçirilen müdirler geňeşiniň mejlisini diňledi we “Real” futbol klubunyň düzgünnamasynyň 38-nji maddasyna laýyklykda, Saýlaw komissiýasyna prezidentiň we müdirler geňeşiniň saýlawlary üçin çagyryş işine başlamagy tabşyrdy” – diýlip, metbugat relizinde aýdylýar.
Dalaşgärlerden arzalaryň kabul edilmegi 8-nji ýanwardan 18-nji ýanwara çenli dowam eder. Eger ýekeje dalaşgär hem bolmasa, 77 ýaşly Florentino Peres prezident wezipesinde ýene dört ýyl galar. Ol “Realyň” prezidenti wezipesini 2009-njy ýyldan bäri eýeleýär – şol ýyl ol ýeke-täk dalaşgärdi. 2013-nji, 2017-nji we 2021-nji ýyllarda-da onuň garşydaşy bolmady.
Häzirki wagtda “Real” La Ligada 19 oýundan soň 43 utuk bilen öňde barýar.
