Hytaýyň Xiaomi kompaniýasy akylly Mijia Smart Dumbbell gantellerini tanyşdyrdy. Bu fitnes enjamy kaloriýa hasaplamak, gaýtalanýan hereketleriň sanyny sanamak bilen bir hatarda şahsy türgenleşikler üçin smartfona baglanyp bilýär.
Gantelleriň tutawajynda ýerleşdirilen ekranda gaýtalanýan hereketleriň sany, ýakylýan kaloriýa we türgenleşik wagty görkezilýär. Enjam, hereketleri takyk ölçemek üçin akselerometr bilen enjamlaşdyrylandyr.
Modul gurluşy gantelleriň agyrlygyny üýtgetmäge mümkinçilik berýär. Esasy topluma gantelleriň agramyny 1 kg-dan 2 kg-a çenli ýokarlandyryp bilýän, aýrylyp dakylýan agraldyjylary öz içine alýar. Bu ganteller esasan täze başlan türgenler, kardio türgenleşikleri geçirýänler we öý şertlerinde fiziki durkuny saklamak isleýänler üçin niýetlenendir.
Bluetooth 5.1-iň üsti bilen smartfona baglanmak arkaly Mi Home programmasynda şahsylaşdyrylan türgenleşik maksatnamalaryna gözegçilik etmäge mümkinçilik berýär.
Ganteller iki sany AA görnüşli batareýa bilen işläp, alty aýa çenli güýji bar. Satuwlar Hytaýyň Yopin platformasynda 8-nji ýanwarda başlar. Bahasy bolsa 99 ýuan (takmynan 13,5 ABŞ dollary) bolar.
