Dezeen onlaýn žurnaly 2024-nji ýylyň iň gowy gökdirän binalarynyň sanawyny hödürledi.
Ilkinji onluga göwrümi we dizaýny bilen haýrana goýýan, dünýäniň dürli künjeklerinde ýerleşýän binagärlik taslamalary girýär. Bruklindäki başlary göge ýetýän ýaşaýyş jaý binalary BAE-däki “asman” köprüsi bilen birleşdirilen görlüp-eşidilmedik diňler sanawda ýanaşyk ýerleşýär.
Sanawa aşakdaky taslamalar girizildi:
One Za’abeel (Dubaý, BAE): 57 we 67 gata barabar belentlikdäki iki minaradan ybarat bu toplum dünýäniň iň uzyn panoramaly “asman podiumy” bilen 100 metr belentlikde birleşýär. Minaralaryň arasyndaky dört gatly “köpri” gönüden-göni 6 zolakly awtoulag ýolunyň üstünden geçýär we özboluşly şäher derwezesini emele getirýär. Onda restoran, bar we gözegçilik meýdançasy bar. Bina Ýaponiýanyň Nikken Sekkei binagärlik edarasy tarapyndan taslamalaşdyryldy.
One Domino Square (Nýu-Ýork, ABŞ): Selldorf Architects-niň bir jübüt ýaşaýyş jaýy. Bu obýekt Brukliniň kenar ýakasynda, Williamsburg köprüsi bilen Domino şeker zawodynyň arasynda ýerleşýär. Taslamanyň awtorlary fasadda günüň dowamynda we möwsüme baglylykda reňkini üýtgedýän merjen farfor plitalaryny ulandylar.
EPIQ (Kito, Ekwador): beýikligi 101 metr bolan 24 gatly bina. Açyk terassalar bilen bölnen we tutuşlygyna panoramaly penjireler bilen örtülen iki sany egri L şekilli blokdan ybarat.
Transamerica Pyramid (San-Fransisko, ABŞ): 1972-nji ýylda durky täzelenen piramida görnüşli diň, beýikligi - 260 metr. Foster + Partners-iň arhitektorlary asyl dizaýnyny dikeldip, binany töweregindäki seýilgähe sazlaşdyrdylar.
1550 on the Green (Hýuston, Tehas, ABŞ): Seýilgähiň gapdalynda ýerleşýän beýikligi 137 metre çenli bolan alty sany birleşdirilen diňden ybarat basgançak görnüşli toplum. Minaralaryň birneme egrelen görnüşi bar. Üçeklerinde açyk ýerler köp.
One High Line (Nýu-Ýork, ABŞ): Bu topluma senagat etrabynyň dik gidýän binalarynyň fonunda saýlanyp görünýän egri diwarly myhmanhana we kondominiumlar girýär.
EZ Parque da Cidade (Braziliýa): Diwarlaryndaky boşluklary we köp sanly ýaşyl zolaklary öz içine alýan adaty bolmadyk taslamaly iki diň. Ol "dik durmuşy täzeden gözden geçirmegi" hödürleýär.
Mori JP Tower (Tokio, Ýaponiýa): Ýaponiýanyň iň beýik gökdirän binasy (330 metr). Amerikanyň Pelli Clarke & Partners studiýasy tarapyndan taslamalaşdyryldy.
Sutton Tower (Nýu-Ýork, ABŞ): Manhettendäki 259 metrlik diň, ýönekeý, ýöne haýran galdyryjy gönüburçly şekilli, şampan reňkli täç bilen örtülen.
The Greenwich (Nýu-Ýork, ABŞ): Nýu-Ýorkda adaty bolmadyk gurluşly, 88 gatly 272 öýli aýna diň. Urugwaýly binagär Rafael Winýoli tarapyndan taslamalaşdyryldy.
