2-nji ýanwarda Hytaýyň Redmi brendi täze Turbo 4 smartfonynyň satuwyna başlady. Resmi maglumatlara görä, ilkinji 24 sagadyň dowamynda onuň satuwynyň mukdary özünden öňki modeliňkiden iki esseden gowrak köp - 220% boldy.
Täze smartfonyň esasy artykmaçlygy onuň öndürijiligidir. Turbo 4 ösen uly ýadro arhitekturasy bolan MediaTek Dimensity 8400-Ultra prosessory bilen işleýär. Prosessoryň ýygylygy 3,25 GGs bolan bir Cortex-A725 ýadrosy, 3,0 GGs ýygylygy bolan üç sany Cortex-A725 ýadrosy we 2,1 GGs ýygylygy bolan dört Cortex-A725 ýadrosy bar. Mali-G720 MC7 grafiki prosessory iň ýokary öndürijiligiň 24% artmagyny üpjün edýär, şol bir wagtyň özünde energiýa sarp edilişini 42% azaldýar.
Smartfonda 1,5K durulykly we 120Gs täzeleniş tizligi bolan 6,67 dýuýmlyk OLED ekrany bilen üpjün edilen.
Kamera modulyna 50 MP esasy datçik, 8 MP ultra giň burçly obýektiw we 20 MP öň kamerasy girýär. 6550 mAh batareýa 90W çalt zarýad bermegi goldaýar we enjama 45 minutda doly zarýad almaga mümkinçilik berýär.
Mundan başga-da, Turbo 4 IP66, IP68 we IP69 standartlaryna kepillendirilip, çyglylyga we tozana çydamlydyr. Enjam iň täze Wi-Fi 6 we Bluetooth 6.0 aragatnaşyk tehnologiýalaryny goldaýar.
Smartfon halkara bazaryna POCO X7 Pro ady bilen çykarylar.
