Ýaponiýada 116 ýaşynda Ýer ýüzüniň iň garry ýaşaýjysy Tomiko Itooka aradan çykdy. Bu barada 4-nji ýanwarda Hiogo prefekturasynyň Asiýa häkimliginiň wekili habar berdi.
Ol ýakynlarynyň gatnaşmagynda jaýlandy. Ýaşy Gerontologiýa gözleg topary tarapyndan tassyklanan Itooka 29-njy dekabrda tebigy sebäp bilen aradan çykdy. Ol ömrüniň soňky ýyllaryny garrylar öýünde geçirdi.
Itooka 1908-nji ýylyň 23-nji maýynda Osakada dünýä indi. Ol Ikinji jahan urşy döwründe adamsynyň häzirki Günorta Koreýanyň çäginde ýerleşen dokma fabrikasynyň ofisini dolandyrdy. 1979-njy ýylda dul galdy. Ol hatda ýaşy bir çene baranda hem işjeň durmuş ýörelgesini alyp barýardy. Onuň ogly we gyzy, şeýle-de bäş agtygy galdy.
Oňa Ýer ýüzüniň iň garry ýaşaýjysy ady geçen ýylyň awgust aýynda 117 ýaşly ispaniýaly Mariýa Branýas aradan çykandan soň geçdi.
Indi bolsa dünýäniň iň garry adamy diýlip resmi taýdan Itookadan 16 gün kiçi bolan braziliýaly Ina Kanabarro Lukas ykrar edildi.
