“Barselonanyň” Dani Olmony we Pau Wiktory hasaba almak arzasy ret edildi

  • 05.01.2025 23:00
  • 5.5k+

Patyşalyk ispan futbol federasiýasy (RFEF) düzgün çäklendirmeleri sebäpli “Barselonanyň” 2024/2025 möwsüminiň ikinji bölegi üçin Dani Olmony we Pau Wiktory hasaba alyp bilmejekdigini tassyklady. RFEF bilen La Liganyň arasyndaky utgaşdyryjy şertnama gözegçilik boýunça komitet klubuň oýunçylary hasaba almak arzasyny ret etdi.

“Gözegçilik boýunça komitet, ygtyýarnamasy ýatyrylan oýunçylara şol möwsümiň dowamynda eýýäm gatnaşan şol bir klubunda ygtyýarnama almaga mümkinçilik bermeýän RFEF-iň umumy düzgünleriniň 130.2 we 141.5-nji maddalaryna laýyklykda, “Barselona” futbol kluby tarapyndan oýunçylar Dani Olmo we Pau Wiktor üçin soralan deslapky tassyklamany ýa-da gutarnykly ygtyýarnamany bermezlik kararyna geldi” – diýlip, RFEF-iň beýanynda aýdylýar.

La Liganyň maglumatlaryna görä, ret etmegiň sebäpleriniň biri maliýe çäklendirmeleri boldy. Ýaryşyň düzgüni täze düzümiň bahasynyň kesgitlenen çäge laýyk gelmegini talap edýär. Olmo we Wiktor bilen bagly ýagdaýda, “Barselona”, La Liganyň pikiriçe, bu çäkden çykdy.
Habar berlişi ýaly, Olmonyň şertnamasynda oňa, eger klub ony möwsümiň ikinji bölegi üçin hasaba almasa, mugt gitmäge mümkinçilik berýän ýagdaý göz öňünde tutulandyr.
Şol bir wagtyň özünde, “Barselona” topar düzümi üçin oýunçylaryň gitmegi bilen tygşytlanan (“tygşytlanan” diýlip giden oýunçylaryň zähmet haklary we olaryň transferinden alnan girdejiler göz öňünde tutulýar) serişdeleri sarp etmäge mümkinçilik berýän “1-e 1” düzgünine gaýdyp geldi. Bu “Kamp Nouda” VIP orunlary satmak baradaky şertnama bilen mümkin boldy. Şertnamanyň netijesinde klub maýadarlaryň birinden 28 mln ýewro aldy.


şu gün 19:36
2.3k+

“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi. Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy...

şu gün 13:31
7.1k+

Çempionlar ligasynyň bije çekişigi geçirildi. 36 klubuň ählisi öz garşydaşyny bildi

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi. Her topar sekiz garşydaş: reýting boýunça düzülen 4 sebediň hersinden iki topar bilen duşuşar...

şu gün 07:25
7.7k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

şu gün 00:59
7.9k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...