Frore Systems kompaniýasy CES 2025-de Samsung Galaxy Book4 Edge 14 noutbugynyň prototipiniň görkeziljekdigini bildiriş etdi. Täze model adaty ýelpewaçlary ultrases sowadyjylary bilen çalyşjak AirJet gaty jisimli sowadyş ulgamy bilen üpjün ediler.
AirJet tehnologiýasy enjamyň galyňlygyny artdyrmazdan ýa-da sesini gataltmazdan enjamyň işleýşini 50%-e çenli ýokarlandyrýar diýip, Tom's Hardware ýazýar.
Bu çözgüt enjamyň ultra inçe profilini 10,9 mm-de saklamaga we dört sany AirJet çipini ulanmak arkaly, güýjüni 12 Wt-dan 18 Wt-a çenli ýokarlandyrmaga mümkinçilik berýär. Sowadyş ulgamynyň meýdany 45% azalýar we has uly batareýa üçin ýer boşadýar.
Galaxy Book4 Edge 14 23,2 sagada çenli wideo görkezmäge ukyply bolar, bu bolsa öňki görkezijilerden 16% uzakdyr. Howa çalşygy deşikleriniň ýoklugy enjamy tozandan we çyglylykdan has hem goragly edýär.
AirJet noutbuklaryň geljekki nesli üçin işlenip düzülýär hem-de professional we oýun maksatly ulanmak üçin amatly, ýagny uzak wagtlap agram düşende hem durnukly işlemegi wada berýär. Galaxy Book4 Edge 14 kuwwaty we batareýasynyň ömri boýunça MacBook Air 15 bilen bäsleşer.
