Brendiň 15 ýyllygy mynasybetli Xiaomi täze Brilliant Magenta reňkinde ilkinji SU7 elektromobilini çykardy. Bu reňk model hatarynda onunjy boldy we eýýäm Xiaomi Auto programmasy arkaly sargyt etmek üçin elýeterlidir, bölek söwda dükanlarynda ol fewral aýyndan başlap peýda bolar.
Ilkibaşda, 2023-nji ýylda SU7 çykarylyp başlananda, awtomobil üç reňkde hödürlenýärdi: Aqua Blue, Verdant Green we Mineral Gray. 2024-nji ýylda hatara ýene alty reňk, şol sanda Meteor Blue, Radiant Purple we Lava Orange goşuldy.
Mundan başga-da, Xiaomi öz smartfonlary üçin SU7-niň dizaýnyndan ylham alan tematiki bezegleri işläp taýýarlady. Ýörite oboýlary we nyşanlary Xiaomi-niň temalar dükanyndan mugt ýükläp almak bolýar.
SU7-niň üstünligi kompaniýanyň garaşanyndan ýokary boldy: 2024-nji ýylda 100 müň awtomobil satmak meýilleşdirilipdi, ýöne noýabr aýyna çenli bu görkeziji ýokarlandy: sargytlaryň umumy göwrümi 130 müňe ýetdi.
Şeýle-de, kompaniýa elektromobiliň ikinji modelini – 2025-nji ýylyň tomsunda satuwa çykarylmagy meýilleşdirilýän YU7 krossowerini anons etdi. 2025-nji ýylda önümçilik möçberini artdyrmak üçin awtomobil zawodynyň ikinji tapgyry işe giriziler.
Mundan başga-da, Xiaomi üç motorly SU7 Ultra-ny we täze krossowerleri çykarmaga taýýarlanýar.
