Russiýanyň Sahalin adasynyň ýaşaýjysy “Russkoýe loto” lotereýasynda 1 milliard rubl (häzirki walýuta hümmeti - 9 million dollardan gowrak) utdy diýip, RBK habar berýär.
Deslapky maglumata görä, utuşly petek “Stoloto” web sahypasyndan satyn alnypdyr. Ýeňiji Russiýanyň Sahalin sebitinde hasaba alnan telefon belgisini görkezdi.
Munuň Russiýada 1 milliard rubl utan dördünji adamdygy bellendi. Ýene 90 adam 1 million rubldan gowrak, ýene 81 adam 123 457 rubl utdy.
Jemi 11 920 044 petek “Täze ýyl milliardy” utuşynda ýeňiji boldy. Tiražda 3,65 milliard rubllyk utuş boldy.
"Bu rus lotereýalarynyň içinde bir tiraždaky utuşlaryň umumy mukdary boýunça absolýut rekorddyr" – diýip, “Rus lotosynda” habar berdiler .
