2025-nji ýylda beta nesliniň ilkinji wekilleri dünýä iner. Bu milleniallaryň ýaş wekilleriniň (Y nesil) we uly ýaşly zumerleriň (Z nesli) çagalary bolar diýip, sosiolog we futurolog Mark Makkrindl belledi.
Hünärmeniň çaklamalaryna görä, 2035-nji ýyla çenli beta nesli dünýä ilatynyň 16% -ini emele getirer.
“Beta nesli Alfa nesliniň yzyndan gelýär (2010–2024-nji ýyllarda doglanlar). Biz şeýle ady olara diňe bir täze nesildiklerini bellemek üçin däl, eýsem olaryň düýbünden başga dünýäde kemala geljek ilkinji nesil boljakdyklaryny bellemek üçin dakdyk. Şonuň üçin bu dürli nesilleriň täze tehnologiki integrasiýa dünýäsinde nähili terbiýelenjekdigini görkezmek üçin grek elipbiýine geçdik "- diýip Makkrindl belledi.
Sosiolog geljekki nesiller üçin sanly we fiziki dünýäleriň bir giňişlige öwrüljekdigini nygtaýar. Emeli aň, awtomatlaşdyryş, awtonom ulaglar we immersiw tehnologiýalar olar üçin gündelik hakykata öwrüler.
Mundan başga-da, beta nesli çynlakaý durmuş kynçylyklary bolan dünýäni miras alar. Millenial we zumer ene-atalar olara deňhukuklylyk, ekologiýa taýdan arassalyk we hyzmatdaşlyk ýaly gymmatlyklary öwrederler.
MakKrindl "Bu beta nesliniň jemgyýetçilige we hyzmatdaşlyga gönügen, dünýä derejesinde pikirlenýän nesil bolmagyna getirer" – diýip, Makkrindl sözüniň üstüni ýetirdi.
Sosiolog beta nesliniň köp wekilleriniň XXII asyra çenli ýaşajakdygyny aýtdy.
