Meşhur insaýder Smart Pikachu Xiaomi 16 smartfonynyň güýçli optiki zumy üpjün edýän periskopik teleobýektiwi aljakdygyny aýtdy.
Ozal bu aýratynlyga Xiaomi 15 seriýasynda garaşylýardy, ýöne 2024-nji ýylyň oktýabr aýynda periskopik obýektiw diňe Xiaomi 15 Pro modelinde peýda boldy.
Kameradan başga-da, Xiaomi 16 smartfony 6,36 dýuýmlyk ykjam ekranyny saklap galar, oňa gündelik ulanyşda amatlydygy sebäpli ulanyjylar tarapyndan ýokary baha berilýär.
Enjamyň galan häsiýetnamalarynyň Xiaomi 15 modeline ýakyn bolmagyna garaşylýar. Olaryň arasynda Snapdragon 8 Elite çipseti, 1,5K durulykda AMOLED displeýi, 90 wattlyk zarýad berijili 5400 mAh akkumulýator we dürli yşyklandyryş şertlerinde ýokary hilli suratlary almaga mümkinçilik berýän Leica optikaly üçlük 50 Mp kamera bar.
Mundan öň Smart Pikachu Xiaomi-niň Xiaomi 13 Ultra we Xiaomi Pad 6 planşetleri ýaly beýleki enjamlarynyň çykjakdygyny takyk çaklapdy.
