Android Headlines portaly ýakyn wagtda çykjak Samsung Galaxy M16 5G smartfonynyň renderlerini çap etdi. Enjamyň korpusy üç reňkde bolar: açyk ýaşyl, açyk gülgüne we gara.
Suratlara seretseň, täze önüm Galaxy M15 5G-iň daşky görnüşini gaýtalaýar, öňdäki kamera üçin U şekilli kesigi saklaýar, ýöne ekranyň çarçuwasy has inçelen. Korpusynyň Galaxy S24 seriýasyny ýada salýan tegelenip gidýän burçlary bar.
“Spesifikasiýa barada aýdylanda, Galaxy M16 5G-den ýokary kuwwata garaşmaň. Onuň ýaňy-ýakynda Geekbench-de peýda bolmagy, Galaxy A16 bilen deň ölçegli 6300 çip bilen işleýändigini tassyklady. Bu modelde 8 Gb RAM bardy, ýöne M16 bilen işe girizilende has köp mümkinçilik hödürlener. Gynansagam, telefonyň programma üpjünçiligi işe girizilende köne bolar, sebäbi öňünden gurlan Android 14 bilen geler "- diýip, Android Headlines ýazýar.
Galaxy M16 5G 2025-nji ýylyň birinji çärýeginde satuwa çykarylar.
Mundan başga-da, indiki ýyl Samsung premial materiallardan we bir elde ulanmak üçin amatly ykjam dizaýndan peýdalanyp, juda ýuka Galaxy S25 Slim-i hödürläp biler. Bu model barada jikme-jiklikler gaty az, kompaniýa entek beýle gajetiň işlenip taýýarlanjakdygyny resmi taýdan tassyklamady.
