Madridiň “Realy” öz stadionynyň adyndaky Santýago bölegini aýyrmagy meýilleşdirýär.
Marca neşiriniň berýän maglumatyna görä, stadion adyndan Santýago sözüni aýryp, “Bernabeu” diýlip atlandyrylar.
At täjirçilik bilen bagly üýtgedilýär, ýöne bu kararyň jikme-jiklikleri aýan edilmedi.
“Real” häzirki wagtda Ispaniýanyň La ligasynda ikinji ýerde durýar. Baş tälimçi Karlo Ançelottiniň ýolbaşçylygynda topar 18 tapgyrda 40 utuk toplady. Çempionatyň lideri Madridiň “Atletikosy”, ol Madridiň “Realyndan” bir utuk öňde barýar.
Indiki tapgyrda “Real” “Walensiýa” bilen duşuşar. Duşuşyk 3-nji ýanwarda, anna güni Ispaniýanyň çempionatynyň çäklerinde geçiriler.
