BoxingScene portaly XXI asyryň iň agyr agram derejesindäki pälwanlarynyň sanawyny düzdi. Ilkinji onlugyň başyny WBC-niň, WBA-nyň we WBO-nyň wersiýalary boýunça iň agyr agram derejesindäki häzirki dünýä çempiony ukrainaly Aleksandr Usik çekýär. Golaýda ol bu diwizionda öňki dünýä çempiony Taýson Fýurini ikinji gezek ýeňdi.
Sanawdaky ilkinji üç orny Ukrainanyň wekilleriniň eýeländigini bellemelidiris.
- Aleksandr Usik (WBC-niň, WBA-nyň we WBO-nyň atlarynyň häzirki eýesi)
- Wladimir Kliçko (WBA-nyň, IBF-iň we WBO-nyň wersiýalary boýunça öňki dünýä çempiony)
- Witaliý Kliçko (WBC-iň wersiýasy boýunça “baky” dünýä çempiony)
- Lennoks Lýuis (dünýäniň öňki absolýut çempiony)
- Taýson Fýuri (öňki çyzykly dünýä çempiony)
- Entoni Joşua (WBA-nyň, IBF-iň we WBO-nyň wersiýasy boýunça öňki dünýä çempiony)
- Deonteý Waýlder (WBC-iň wersiýasy boýunça öňki dünýä çempiony)
- Jozef Parker (WBO-nyň wersiýasy boýunça öňki dünýä çempiony)
- Endi Ruis (öňki WBA-nyň, IBF-iň we WBO-nyň wersiýalary boýunça öňki dünýä çempiony)
- Kris Býord (IBF-iň wersiýasy boýunça öňki dünýä çempiony)
2024-nji ýylyň maý aýynda Fýuriden üstün çykandan soň, Usik 1999-njy ýyldan bäri esasy boks guramalarynyň – IBF-iň, WBO-nyň, WBA-nyň we WBC-iň dört çempionlyk guşagyny ýygnap, agyr agramda absolýut çempion boldy. Şeýle-de bolsa, “sygan şasy” (Fýuri) bilen ikinji söweşe gatnaşmak üçin ukrainaly boksçy IBF-niň çempionlyk guşagyndan ýüz öwürdi, sebäbi ol öňki garşydaşy bilen göreşde ady goramagy göz öňünde tutmaýar.
