31-nji dekabrda Ýeriň ýaşaýjylary “Gara Aý” atly seýrek astronomiki hadysanyň şaýady bolup biler. Bu aýda ikinji täze Aýdyr. Bu gije Ýeriň hemrasy görüş meýdanyndan doly ýiter, sebäbi onuň diski bütinleýin Ýeriň kölegesinde bolar diýip, Russiýanyň Nowosibirsk döwlet uniwersitetinde habar berilýär.
“Aýyň bir bölegini eger bu döwürde Aýda onuň üstüne gaçan meteoritden partlama bolan ýagdaýynda görmek bolar, bu hadysa bolsa sagatda bir gezek bolup geçýär. Ýöne bu pursata ýetmek üçin uly sabyr, teleskop we Aýyň häzirki ýerleşýän ýerini yzygiderli wideo düşürýän kameralar gerek” – diýip, NDU-nyň Fizika fakultetiniň okuw astrofiziki awtomatlaşdyrylan toplumynyň müdiri Alfiýa Nesterenko belledi.
Täze Aý astronomiki gözegçilikler üçin örän gowy şertleri döreder, sebäbi asman garaňky bolup, onda ýyldyzlaryň köp bölegi, şeýle-de Ýupiter we Mars ýaly planetalar aýdyň görner.
Ýanwar aýynyň ilkinji hepdesinde Demirgazyk ýarym şarynyň ýaşaýjylary 3-nji ýanwardan 4-nji ýanwara geçilýän gije iň ýokary derejesine ýetjek Kwadrantidler meteor akymyna syn edip biler. Bu döwürde sagatda 200-e golaý meteory görmek bolýar.
Şeýle-de, 10 – 15-nji ýanwarda Güne iň ýakyn aralykdan geçjek C/2024 G3 ATLAS kometasyna garaşylýar.
