Döwletmämmet Azady adyndaky Türkmen milli dünýä dilleri instituty Türkmenistanyň ýokary okuw mekdepleriniň talyplarynyň arasynda yglan eden “Kitap bilimiň çeşmesi” atly kitap okamak boýunça ylmy-döredijilik bäsleşiginiň netijelerini yglan etdi. Ýakynda institutyň uly mejlisler zalynda ýeňijilere sowgat gowşurylyş dabarasy geçirildi.
Bäsleşide 15 sany ýokary okuw mekdeplerinden talyp ýaşlar bäsleşige gatnaşdy. “Kitap bilimiň çeşmesi” atly bäsleşige her ýokary okuw mekdebinden 4 talypdan ybarat bolan topar gatnaşdy.
Ylmy-döredijilik bäsleşiginiň netijesi boýunça 7 sany ýokary okuw mekdebi baýrakly orunlara mynasyp boldy.
- I orun: Türkmen döwlet ykdysadyýet we dolandyryş institutynyň talyplar topary.
- II orun: Döwletmämmet Azady adyndaky Türkmen milli dünýä dilleri institutynyň we Magtymguly adyndaky Türkmen döwlet uniwersitetiniň talyplar toparlary;
- III orun: Myrat Garryýew adyndaky Türkmenistanyň Döwlet lukmançylyk uniwersitetiniň, Türkmenistanyň Içeri işler ministrliginiň institutynyň, Türkmen döwlet bedenterbiýe we sport institutynyň, Seýitnazar Seýdi adyndaky Türkmen döwlet mugallymçylyk institutynyň talyplar toparlary.
“Kitap bilimiň çeşmesi” atly bäsleşiginde "Zenan kalby” žurnalynyň bölüm redaktory Ogulgözel Şagulyýewa, Türkmenistanyň Ylymlar akademiýasynyň Taryh we arheologiýa institutynyň esasy ylmy işgäri Kakajan Baýramow, Türkmenistanyň Ylymlar akademiýasynyň Magtymguly adyndaky Dil edebiýat we milli golýazmalar institutynyň Türkmen taryhynyň golýazma çeşmeleri bölüminiň müdiri Geldimyrat Muhammedow emin agzalyk etdi.
