Globallaşmanyň elektrikleşdirme tarapadygyna garamazdan, Mersedes kompaniýasy dizel bilen işleýän hereketlendirijileri ösdürmegi dowam etdirýär diýip, Motor1 habar berýär.
Dizel hereketlendirijilerine bagyşlanan çärede kompaniýa dizele islegiň henizem ýokarydygyny aýtdy. Ýeňil awtoulag segmentindäki müşderileriň 74% -i, täjirçilik segmentindäkileriň bolsa 90% dizel ulanýar.
Kompaniýa dizel hereketlendirijilerini öňküdenem netijeli etmek üçin olary kämilleşdirmeklige ep-esli maýa goýumlaryny bölüp bermäge taýyn. Mysal üçin, 2,0 litrlik dizel hereketlendirijisi bolan A-Class modeli 100 km üçin bary-ýogy 3,4 litr ýangyç sarp edýär we bu ony benzin bilen işleýän, hatda elektrik awtoulaglary bilen deňeşdirilende hem bäsdeşlige ukyply edýär.
Geljekde Mersedes C-Class-dan başlap, orta we ýokary derejeli modellerde dizel hereketlendirijilerini ulanar.
Mundan başga-da, kompaniýa 2025-nji ýylyň martynda täze ýumşak gibrid benzin hereketlendirijisini hödürlemegi meýilleşdirýär.
