Madridde her ýyl millionlarça gatnaşyjyny özüne çekýän we uly baýrak gaznasy bilen belli bolan “El Gordo” Roždestwo lotereýasynyň utuşy geçirildi. Şu ýyl utuş Madriddäki Patyşalyk teatrynda (Teatro Real) geçdi we onuň baýrak gaznasy 2,7 mlrd ýewro boldy.
“El-Gordo” (ispan dilinden terjime edilende “çişik adam”) lotereýasy Ispaniýada 1812-nji ýyldan bäri geçirilýär we Roždestwo däpleriniň aýrylmaz bölegine öwrüldi. 2024-nji ýylda 20 ýewro bahadan 193 mln petek satuwa çykaryldy. Olaryň köpüsi birmeňzeş belgileri aldy, şol sebäpli baýrak birnäçe adamyň arasynda paýlandy.
Iň uly utuş 400 000 ýewro, iň pesi bolsa 20 ýewro deň. 40 000 ýewrodan başlanýan utuşdan 20% salgyt alynýar. Ýeňiji öz baýragyny 2025-nji ýylyň 22-nji martyna çenli almaly. Bu seneden soň utuş petegi öz güýjüni ýitirýär.
Lotereýa utuşy göni ýaýlymda görkezildi, tomaşaçylar bolsa 100 000 şarly aýlanýan çarhdan belgileriň gaçyşyna sabyrsyzlyk bilen seretdiler.
Petek satuwyndan gelen girdejiler döwlet býujetine goşulýar. Şeýlelikde, “El Gordo” ýurt üçin möhüm syýasy we ykdysady waka öwrülýär.
