Volkswagen kompaniýasy IG Metall-iň kärdeşler arkalaşygy bilen önümçilik proseslerini giňişleýin gowulandyrmak barada ylalaşyk gazandy diýip, Carscoops habar berýär.
Kompaniýa 35 müň iş ýerini azaltmagy we nemes zawodlarynda awtoulag önümçiligini ýylda 734 müň birlik azaltmagy meýilleşdirýär. Bu konserne ýylda 15 milliard ýewro tygşytlamaga we serişdeleri täze önümleri öndürmeklige gönükdirmäge mümkinçilik berer.
Elektrikli Golf-yň we SSP platformasyndaky täze modeliň önümçiligi Wolfsburgda ýola goýlar. Golf-yň ýangyç bilen işleýän görnüşleri bolsa 2027-nji ýyldan başlap Meksikada ýygnalar. Swikkaudaky we Emdendäki zawodlar Audi we VW ID.7 elektromobillerini öndürmegi dowam etdirer.
Üýtgedip gurmagyň çäklerinde Volkswagen 2025-nji ýylyň ahyrynda Drezdendäki Aýna manufakturasyny ýapmagy meýilleşdirýär. Beýleki meýdançalar açyklygyna galar, ýöne ýylda 500 million ýewro tygşytlamak üçin çeýe shemalary girizer.
