Arkadag şäheriniň adybir topary “Aşgabat” köpugurly stadionynda geçirilen duşuşykda geçen ýyl finalda çykyş eden “Ahal” toparyny 1:0 hasabynda ýeňlişe sezewar etdi we Türkmenistanyň Kubogyny aldy.
Kubok ugrundaky bäsleşigiň final duşuşygynyň 45-nji minudynda “Arkadag” toparynyň oýunçysy Begenç Akmämmedow ýeke-täk goly geçirdi.
2023-nji ýylyň başynda döredilen “Arkadag” topary Kubok bäsleşiginde bassyr ikinji ýyl ýeňiş gazandy. Geçen möwsüm geçirilen birinji final duşuşygynda bu topar “Ahaly” 3:0 hasabynda ýeňlişe sezewar edipdi.
“Ahal” topary ýurdumyzyň Kubogy ugrundaky bäsleşikde dört gezek ýeňiş gazanmagy başardy.
Şu ýylyň dowamynda dürli ýaryşlarda bu toparlar bäş gezek özara güýç synanyşdylar. Olaryň hemmesinde hem ýeňiş “Arkadag” toparynyň tarapynda boldy: Türkmenistanyň “Ýokary Ligasynyň” çäginde – 4:1, 4:0, 5:1, 2:1, Naýbaşy Kubogy ugrundaky duşuşykda – 3:1.
