Google kompaniýasy Pixel üçin täze Roždestwo mahabatyny çykardy we onda iPhone-yň üstünden ýaňsyly gülýär.
Wideoda iki smartfon – Pixel we iPhone sowgatlyk gutularyna gaplanan bolup, ondan çykmaga synanyşýar. Munuň üçin Pixel maslahat sorap Gemini neýroulgamyna ýüz tutýar. Neýroulgam smartfonlaryň, ähtimal, sowgat bolandygyny we howsala düşmäge hiç hili sebäbiň ýokdugyny düşündirýär. Muňa garamazdan, iPhone dowla düşüp, eýýäm Gemini we Circle to Search emeli aň funksiýalary görnüşinde artykmaçlyga eýe bolan Pixel-den tapawutlylykda, görkezilmäge taýyn däldigini aýdýar. Google-yň smartfony bolsa göwünlik beriji sözleri diýip, kärdeşini köşeşdiren bolýar.
Bellemeli ýeri, Google tarapyndan saýlanan marketing strategiýasynyň maksadalaýyklygynda şübheler bar. Çünki, Circle to Search funksiýasy diňe bir Pixel-de däl, eýsem beýleki Android gurluşlarynda-da elýeterli, Gemini bolsa iOS-da hem işleýär. Şeýle-de, gözlegler mahabatyň ünsi çekýän emeli aň funksiýalarynyň smartfon saýlamakda o diýen uly rol oýnamaýandygyny görkezdi. Pikir soraşmalara görä, alty sany iPhone ulanyjynyň diňe biri ösen emeli aň funksiýalary üçin başga smartfona geçmek barada pikir edip bilerdi.
