Xiaomi kompaniýasy terjime ediji we öwrediji funksiýalary birleşdirýän ykjam enjam bolan Mijia Dictionary Pen C1 gajetini çykardy. Sözlük ruçkasy tekst skaneri bilen enjamlaşdyrylandyr we 0,3 sekuntda çalt terjime edilmegini goldaýar. OCR ulgamynyň kömegi arkaly tanamak takyklygy 98%-e ýetýär diýip, Gizmochina habar berýär.
Gajet okamak we nawigasiýa üçin 3,02 dýuýmlyk ekran bilen enjamlaşdyrylandyr. Şeýle hem enjam Wi-Fi ulanmazdan peýdalanmaga mümkinçilik berýän oflaýn režimde işleýär. Şeýle hem ol ses gözlegini goldaýar. Dessine terjime etmek üçin daşyňdan, sesli geplemek ýeterlikdir.
Dictionary Pen C1-iň 26 milliondan gowrak makala esaslanýan maglumat bazasy bar. Ol başlangyç, orta we ýokary mekdep derejelerini goldaýar. AI-niň goldawy netijesinde sözlük ruçkasy düşündiriş berip hem-de sözleriň sözlemde we dürli grammatiki gurluşlarda ulanylyşynyň mysallaryny berip bilýär. Şeýle hem ulanyja netijeli öwrenmek üçin fonetika we mnemonika degişli gönükmeler hem hödürlenýär.
Garaşma režiminde batareýanyň ömri 100 güne ýetýär, 32 Gb-lyk içerki ýat bolsa öz sözlükleriňizi döretmäge we täzelenmeleri göçürip almaga mümkinçilik berýär.
Galam 349 ýuan (takmynan 50 dollar) bahadan satylýar. Häzirki wagtda enjam hytaý we iňlis dillerini öwretmek üçin niýetlenendir.
