Samsung kompaniýasynyň täze önümleri barada köplenç ygtybarly maglumatlary paýlaşýan Ice Universe insaýdery “Galaxy S25 Ultranyň flagman smartfonlaryň arasynda iň inçe çarçuwaly boljakdygyny aýdýar.
Bu smartfonyň inçeligi hatda "Xiaomi 15" we "iPhone 16 Pro Max" ýaly telefonlardan hem ýuka bolar.
“S25 Ultranyň görkezijilerini gördüm, gaty owadan, ýöne gynansagam, ol barada doly maglumatlary häzir çap edip bilemok. Onuň ramkasynyň inçeligi "Xiaomi 15" we "iPhone16 Pro Max" ýaly häzirki zaman ykjam telefonlaryndan has ýokarydyr" diýip, çeşmäniň X sosial ulgamyndaky sahypasynda habar berilýär.
Ýöne “Ice Universe” täze smartfonyň reňklerini mälim etdi:
- Gök: açyk gök göwre, gök öwüsýän kümüş gapdal ramka (çarçuwa).
- Gara: Gara arka gapak we kümüş ramka (çarçuwa).
- Ak: Ak göwre we gaty ýeňil kümüş ramka (çarçuwa).
- Çal reňk: Altyn äheňli we ramkasy (çarçuwasy) çal reňkli.
“Galaxy S25 Ultranyň" 2025-nji ýylyň ýanwar ýa-da fewral aýynda tanyşdyrylyşynyň bolmagyna garaşylýar diýip, ixbt.com ýazýar.
