Financial Times ABŞ-nyň saýlanan Prezidenti Donald Trampa ýylyň adamy titulyny berdi. Britaniýanyň abraýly neşiri onuň uly syýasata gaýdyp gelmeginiň özboluşlylygyny belledi.
Bu eýýäm neşir tarapyndan Trampyň ikinji gezek şeýle ykrar edilmegidir. Ilkinji gezek syýasatçy şeýle ada 2016-njy ýylda, üstünlik gazanmak ähtimallygynyň pes wagty ýeňiş gazanmagy sebäpli mynasyp boldy.
2024-nji ýylda hünärmenler onuň Ak öýe gaýdyp gelmegini häzirkizaman amerikan syýasatynyň iň dramatik wakasy diýip häsiýetlendirdiler.
“Indi ähmiýetsiz waka ýaly Trampdan ýüzüňi sowup bolmaýar” – diýlip materialda aýdylýar.
Belläp geçsek, 5-nji noýabrda geçen saýlawlarda 78 ýaşly Donald Trampyň ýeňiş gazanmagy ony ýeňlişinden soň, Ak öýe gaýdyp gelen ABŞ-nyň ikinji Prezidentine öwürdi. Amerikanyň Birleşen Ştatlarynyň taryhynda ilkinji şeýle Prezident Grower Kliwlend bolupdy. Ol 1884-nji, 1888-nji we 1892-nji ýyllarda yzygider üç saýlawa gatnaşdy, ýöne diňe 1884-nji we 1892-nji ýyllarda ýeňiş gazanyp bildi.
Ýatlap geçsek, 2023-nji ýylda Financial Times tarapyndan ýylyň adamy hökmünde Daniýanyň Novo Nordisk farmasewtika kompaniýasynyň ýolbaşçysy Lars Ýorgensen saýlandy.
Mundan öň Time neşiri Trampy “Ýylyň adamy” diýip ykrar etdi.
