Amerikaly bloger MrBeast (hakyky ady – Jeýms Donaldson) täze wideo düşürmek üçin Gizadaky piramidalara girmek mümkinçiligini aldy. Ýutuber olaryň syrlaryny öwrenmek we tomaşaçylara näbelli zatlary görkezmek isleýär diýip, Sportskeeda habar berýär.
KHBS-iň maglumatlaryna görä, bloger Müsüriň hökümeti bilen ylalaşyp, bu ýadygärlikleri 100 sagatlyk kärendesine aldy we üç piramida girmäge mümkinçilik gazandy.
“Biz ygtyýarymyza berlen piramidada ýatarys” – diýip, Donaldson Beyond the Record podkastynda gürrüň berdi.
MrBeast bu gadymy desgalaryň syrlaryny açmagy umyt edýär.
“Men hiç haçan içinde bolmandym. Haýsydyr bir syrlar bilen ýüzbe-ýüz bolup, ähli otaglara we aramgählere aýlanyp görmek isleýärin” – diýip, ol belledi.
Wideo düşürmek üçin bloger hemmelere belli bolmadyk ýerleri görkezjek Müsüri öwrenýän alym hünärmeni çagyrdy. Şeýle-de, MrBeast-iň topary adaty bolmadyk hadysalary öwrenmek üçin enjamlary ulanmakçy bolýar. Ýöne Donaldsonyň özi bu pikirlere müňkürlik bilen garaýar: “Olar arwahlaryň we beýlekileriň bardygyny duýmak üçin özleri bilen gajetleriň ähli görnüşini alar, men muny hilegärlik hasaplaýaryn”.
Mundan öň MrBeast “Beast Games” şouwyny yglan etdi we ol munuň üçin 14 mln dollara şäher gurdy.
