19-njy dekabrda Saud Arabystanynyň paýtagty Er-Riýadda ukrainaly Aleksandr Usik bilen britaniýaly Taýson Fýuriniň arasyndaky çempionlyk söweşinden öň soňky metbugat maslahaty geçirildi. Boksçylar bu rewanşa köpçüligiň gyzyklanmasyny dürli usul bilen artdyrmagy dowam etdirýär. Şol agşam rekord 11 minut 20 sekunt dowam eden nazarlaryň çaknyşygy bilen tamamlandy diýip, 7NEWS habar berýär.
Metbugat maslahatynyň dowamynda boksçylaryň ikisi-de az sözli boldy. Taýson Fýuri garşydaşyna “köp azap” görkezjekdigini aýtdy.
“Bu meniň bar aýtjak zadym. Gürrüňler eýýäm boldy. Birinji söweşde men gürledim, degişdim – tutuş karýeramda – bu gezek çynlakaý. Men oňa azap baryny görkezmekçi. Meniň nähili işleýändigime serediň” diýip, britaniýaly aýtdy.
Nazarlaryň rekord dueli metbugat maslahatyndan soň başlady. Türgenleriň gözlerini aýyrmakdan ýüz öwrendikleri üçin, onuň arasyny guramaçylar kesmeli boldy we ahyrynda söz tutluşygyna geçildi.
Rewanş 22-nji dekabra geçilýän gije (Aşgabat wagty bilen) Er-Riýaddaky Kingdom Arena-da bolar. Ýatlap geçsek, maý aýynda geçirilen birinji söweşde Usik ýeňiş gazandy.
